Interi i Simone Inzaghit, i rikthyer te golat në ndeshjen e Serie A kundër Salernitana (5-0), është thirrur për ndeshjen e dytë 1/16 të Ligës së Kampionëve kundër Liverpool-it.
Në ndeshjen e parë, “Reds” fituan 2-0 falë golave të Firmino dhe Salah, ndaj zikaltërve do t’iu duhet të synojnë të pamundurën; të arrijnë një kualifikim historik. Ndërkohë, ankthi po rritet, dy skuadrat do të dalin në fushën e “Anfield” sonte në orën 21:00.
Për të realizuar këtë sukses historik, Interi duhet të fitojë me tre ose dy gola. Në rastin e fundit do të shkohej në shtesë, duke marrë parasysh se golat jashtë fushe nuk vlejnë më dyfish.
Zikaltrit shpresojnë të imitojnë formacionin e Helenio Herrera, i cili përmbysi 3-1 në Angli, në gjysmëfinalen e sezonit 1964-1965, me një 3-0 të shkëlqyer në “San Siro”, me gola të Corso, Peirò dhe Facchetti.
Ndërkohë, skuadrat italiane që kanë arritur të fitojnë në tempullin e “Anfield” në të kaluarën janë Genoa, Roma, Fiorentina, Udinese dhe Atalanta. Në historinë e Ligës së Kampionëve, në 41 raste, e vetmja skuadër që arriti të përmbysë një ndeshje 2-0 të pësuar në shtëpi ishte Manchester United, i aftë ta eliminonte PSG-në në vitin 2019 me një penallti në minutën e 94-t (1-3).
Ja fomacionet e mundshme të ndeshjes së sotme: LIVERPOOL (4-3-3): Alisson; Alexander A., Matip, Van Dijk, Robertson; Henderson, Fabinho, Elliott; Salah, D, Jota, Mané. INTER (3-5-2): Handanovic; Skriniar, De Vrij, A. Bastoni; Dumfries, Vidal, Brozovic, Calhanoglu, Perisic; Sanchez, L. Martinez.
