Futbollisti i Kosovës, Florent Hasani ka folur për ndeshjen e Kombëtares së Kosovës kundër Maqedonisë së Veriut, që do të luhet në Shkup.
ish-futbollisti i Trepçës’89 dhe Vushtrrisë, beson që Kosova e fiton këtë ndeshje.
“Gjasat janë të mëdha ta fitojmë atë ndeshje. Është një rast i artë për ne dhe duhet ta shfrytëzojmë dhe shpresoj që sa më shpejt të vendoset data e saktë e ndeshjes. Kam kontaktuar edhe me trajnerin Bernard Challandes gjatë kësaj periudhe”, ka thënë Hasani në një intervistë për Zëri.info.
Florent Hasani që luan për skuadrën hungareze, Diosgyorin ka folur për periudhën e izolimit dhe stërvitjet individuale gjatë pandemisë me koronavirus.
