Këtë të mërkurë, Harry Kane do të debutojë në Champions League me një ekip tjetër, përveç Tottenham. Diçka e paimagjinueshme disa vite më parë. Do të ndodhë me Bayern Munich, sigurisht, por kundër një skuadre që gjithashtu donte të nënshkruante me të: Manchester United. Sulmuesi anglez foli në një konferencë për shtyp para ndeshjes.
Vera dhe merkatoja – “Natyrisht që gjatë verës pata biseda me klube të ndryshme, por Bayerni ishte një klub që më interesonte shumë. Pasi arrita oferta bavareza, nuk kishte shumë opsione të tjera. Dhe tani, për fat, unë jam këtu. Sigurisht, Manchester United është një klub i madh, por tani fokusi im është këtu dhe jam shumë i lumtur”.
Përshtatja – “Para se të vija këtu e dija se sa i madh ishte Bayern Munich. Tani jam këtu dhe po shijoj ambientin e ri. Për shkak të pushimit ndërkombëtar dhe lindjes së djalit tim, kam udhëtuar shumë dhe nuk kam qenë në gjendje të shoh gjithçka ende. Mezi pres që ta shikoj nga afër gjithçka këtu”.
Ndeshjet e para – “Për mua ishte një fillim i mirë këtu. Ishte një transferim i madh, por me shumë presion dhe pritshmëri. Deri më tani kam shënuar katër gola. Jam shumë i lumtur me këtë, por ka ende shumë vend për përmirësim. Sigurisht, unë jam ende shumë i lidhur shpirtërisht me Tottenham, do të vazhdoj ta mbështes si klub gjatë gjithë jetës sime. Jam i lumtur që gjërat po shkojnë aq mirë për ta, për momentin”.
Champions League – “Ka një arsye pse Bayerni nënshkroi me mua. Bayerni dëshiron ta fitojë përsëri Ligën e Kampionëve, edhe unë dua të jap gjithçka për ta arritur këtë. Megjithatë, së pari duhet të kualifikohemi në 1/8 finale. Tani shpresojmë për një fillim të mbarë”.
