Karl-Heinz Rummenigge, i drejtpërdrejtë në gjykimin e tij për të ashtuquajturën Superligë të Europës, shpjegon pse Bayerni e refuzoi që në fillim si projekt.
“Seria A do të bëhej Seria B dhe Bundesliga divizioni i dytë. Turne të dobëta. Dhe a e dini pse e gjithë kjo? Për të dëmtuar Premier League-n, që fiton më shumë thjesht sepse është më mirë. Sidomos skuadrat spanjolle donin ta dëmtonin dhe shpikën këtë turne, i vetmi që do të vlente. Mirupafshim Juve-Cagliari, lamtumirë Bayern-Bielefeld. UEFA ofron turneun më të mirë të mundshëm, Liga e re e Kampionëve me 36 skuadra do të jetë edhe më spektakolare dhe e hapur.
Legjenda gjerman më tej merr si shembull kualifikimin e Kopenhagës në Champions, për të shojeguar se futbolli i ka emocionet tek e papritura, tek ëndrrat e skuadrave të vogla, që shpeshherë bëhen realitet.
“A i keni parë festimet e Kopenhagës për kualifikimin mes 16 më të mirave në Champions? E mendonin të fundit, por u kualifikua. Në futboll ka gjëra të pamundura, emocione…, nuk është matematikë. Modeli amerikan? Merita mbizotëron tek ne. Po je i mirë, fiton. Superliga do të ishte një ligë e pasur, ku fiton edhe nëse nuk fiton në fushë. Nuk është për ne”, përfundon Rummenigge.”
Rummenigge nuk shpjegon në mënyrë të veçantë rolin e luajtur nga Andrea Agnelli, një nga drejtuesit më me ndikim në futbollin evropian në atë kohë: “Nuk kam qenë në gjendje të flas me Andrean që nga e diela, kur ai e mbylli celularin. Mendoj se nuk kishte guxim të thoshte se çfarë po bënte. E kuptoj që koronavirusi i detyroi klubet të shpejtonin, dikush donte të gjente burime të reja parash, por ky prezantim nuk ishte profesional. Nuk e kuptoj dhe me vjen keq. Ishte president i Eca-s, ishte në ekzekutivin e UEFA-s, ishte president i një skuadre të madhe si Juventusi. Ai humbi gjithçka. Edhe imazhin e tij. Kemi kaluar mirë, por, kur i thashë se futbolli nuk është vetëm ekonomi, ai nuk mendonte si unë”
