Armando Broja me dy golat e tij ia dhuroi fitoren klubit holandez Vitesse.
Paraqitja e tij tejet e mirë e cila kulmoi me dy gola, ka bërë që ai të futet në formacionin e javës të kampionatit holandez.
E përditshmja holandeze “Voetbal Flitsen” e ka përfshirë në formacionin më të mirë të javës.
Krahas Brojës, në formacionin e javës në Holandë janë edhe Mario Gotze, Dusan Tadic e Davy Klassen.
Sulmuesi shqiptar ka qenë protagonisti kryesor i Vitesses në fitoren kundër Den Hag me rezultat 0-2 e ku dy golat i shënoi Broja.
Reprezentuesi shqiptar, 19-vjeçar, është i huazuar te skuadra holandeze nga klubi londinez Chelsea deri në muajin qershor të vitit 2021. /VAR Kosova/
