“Ajo që dua më shumë është të fitoj një titull me ekipin kombëtar. Ne jemi më të karikuar se kurrë për ta fituar Kupën e Amerikës”. Këto janë fjalët e Leo Messi, pasi mundi Kolumbinë me penallti në gjysmëfinale. Në mendjen e tij, me siguri do të kenë kaluar imazhet e katër finaleve të humbura me fanellën Albiceleste, tri prej të cilave në Kupën e Amerikës (një me Brazilin dhe dy me Kilin). Finalja tjetër është ajo në Kupën e Botës 2015 (me Gjermaninë). Tani, në epilogun e edicionit të 47-të të turneut kontinental të Amerikës së Jugut, 34-vjeçari do të ketë një shans tjetër, mbase i fundit, për të provuar diçka të madhe me kombëtaren. Kundërshtari i tij do të jetë miku dhe shoku, Neymar.
“Unë e doja Argjentinën në finale, kam shumë miq atje, por Brazili do të fitojë. Gjithmonë thoja: Messi është lojtari më i mirë që kam parë ndonjëherë. Një mik i madh, vetëm se tani jemi në finale dhe rivalë. E dua këtë titull, do të ishte i pari për mua, ashtu si për të. Unë e di që Leo ka luftuar shumë për ekipin e tij kombëtar. Nëse në fushë nuk jam vetë dhe as Brazili, gjithmonë mbështes Argjentinën”, – thotë Neymar. Imagjonojeni këtë përballje gjigantësh përmes fjalëve të dy yjeve respektivë. Prej orës 2 të natës (sipas orës sonë), në “Maracana” do të startojë ndeshja që pritet të ndiqet në të gjithë botën, edhe pse në një orar disi të papërshtatshëm për europianët.
Ja formacionet e mundshme: ARGJENTINA (4-3-3): Dibu Martinez; Molina, Otamendi, Pezzella, Tagliafico; Rodriguez, Paredes, De Paul; Messi, Lautaro Martinez, Di Maria.
BRAZILI (4-3-3): Ederson; Danilo, Marquinos, Thiago Silva, R. Lodi; Casemiro, Fred, Paquetà; Cebolinha, Neymar, Richarlison.
