Ish-përzgjedhësi i Përfaqësueses së Kosovës, Taip Ramadani, ka nisur punë të re në hendboll. 

Ramadani së fundi është emëruar përzgjedhës i Australisë.

49-vjeçari jeton në Australi dhe ka dhënë kontribut të madh për hendbollin në këtë vend.

Ramadani vlerësohet lartë edhe për punën që e ka bërë te Kosova.

Me profesionalizimin e tij ka bërë që të rritet niveli i Kombëtares sonë. Ai ka drejtuar Kosovën nga prilli i vitit 2016 e deri në fillim të këtij viti.

Në pamundësi për të udhëtuar nga Australia për shkak të kufizimeve që solli pandemia, Ramadani ka hequr dorë nga posti i përzgjedhësit të Kosovës.

Por rritja e ekipit tonë kombëtar gjatë kohës së tij ishte shumë e madhe.

Ramadani është prej hendbollistëve më të mëdhenj që ka pasur Australia. Ka luajtur në shumë kampionate botërore e po ashtu në Lojërat Olimpike të vitit 2000.

Pjesë e Australisë ishte prej vitit 1993 e deri në vitin 2009.

Selektor i Australisë, Ramadani ka qenë prej vitit 2009 e deri në vitin 2013. Si selektor ishte në dy kampionate botërore.

Ka udhëhequr edhe shumë skuadra australiane.