Janë mbyllur tri ndeshjet e sotme në kuadër të Superligës së Kosovës në futboll.
Në kuadër të javës së nëntë, në mesditën e sotme u zhvilluan tri super-ndeshje.
Kryendeshja e sotme u zhvillua në stadiumin e qytetit në Gjilan mes Gjilanit dhe Ballkanit.
Ndeshja në fjalë u mbyll në paqe 1:1.
Me këtë barazim, Gjilani mbetet në vendin e tretë me 14 pikë, kurse Ballkani në vendin e dytë me 17 sosh.
Nga ana tjetër, derbi rajonal mes Prishtinës dhe Llapit u mbyll 1:2 në favor të llapjanëve në “Fadil Vokrri”.
Me këtë fitore, Llapi mbetet në vendin e nëntë me nëntë pikë, kurse Prishtina në vendin e gjashtë me dhjetë sosh.
Dhe në fund, Dukagjini arriti ta mposhtë Malishevën me rezultat 2:0.
Me këtë fitore, Dukagjini ndodhet në vendin e nëntë me nëntë pikë, kurse Malisheva bie në vendin e pestë me 12 sosh.