Nora Gjakova dhe Distria Kransiqi realizuan ëndrrën në verë duke fituar medaljen e artë në Lojërat Olimpike “Tokio 2020”.
Ky sukses ishte i jashtëzakonshëm për Gjakovën, që tani është në pozitën e parë në renditjen botërore në kategorinë -57 kg, me 5880 pikë.
E pas këtij super suksesi, edhe Federata Evropiane e xhudos ka shkruar për Nora Gjakovën, për të cilën shkruan se dominoi që të fitonte medaljen e saj olimpike.
“Ky kampion olimpik ishte një dekadë në krijim. Nora GJAKOVA ka qenë e vendosur në radarin tonë për shumë vite si pjesë e ekipit të vogël por të fuqishëm të Kosovës. Jo vetëm që 29-vjeçarja mori medaljen e parë botërore, por dominoi për të marrë medaljen olimpike”.
Tutje, Federata Evropiane shkruan edhe për renditjen e Gjakovës që tani dominon në botë.
“Suksesi i saj i jashtëzakonshëm e ka lejuar atë të ngjitet në gradë dhe të përfundojë olimpiadën në numrin një në renditjen botërore. Ajo i bashkohet bashkëlojtares Distria Krasniqi si sportiste numër një”, përfundoi shkrimi i Federatës Evropiane.
