Luis Suarez do të kthehet në Premier League për ta vazhduar karrierën. “Fichajes” ka raportuar të hënën se Suarez do t’i bashkohet skuadrës së Aston Villas. Bëhet e ditur se marrëveshja mes palëve është arritur dhe Suarez prej sezonit të ri do të jetë nën urdhrat e trajnerit Steven Gerrard, të cilin e ka pasur bashkëlojtar te Liverpooli.
Suarez të dielën mbrëma e luajti ndeshjen e fundit në stadiumin e Atletico Madridit, që u konfirmua edhe nga klubi spanjoll.
Ai tek Aston Villa do të transferohet si lojtar i lirë dhe do të firmosë kontratë njëvjeçare me opsionin edhe për një vit tjetër. 35-vjeçari këtë edicion ka shënuar 13 gola në të gjitha garat për Atleticon.
