Athletic Bilbao do të jetë kundërshtari i radhës për Mallorcan në Kupën e Mbretit. Mallorca e Vedat Muriqit dhe Athletic Bilbao do të luajnë në finale të Kupës së Mbretit më 6 prill në “La Cartuja” të Sevillas.
Muriqi kundër Bilbaos ka luajtur në pesë ndeshje, qëkur iu bashkua Mallorcas nga Lazio për 8 milionë euro në korrik të vitit 2022.
Të pesë ndeshjet i ka zhvilluar në La Ligan e Spanjës, ndërsa e ka një fitore 3:2, një humbje 4:0, dhe tri barazime.
Dy ndeshje janë mbyllur 0:0, ndërsa një tjetër 1:1. Në këto ballafaqime, Muriqi ka kontribuuar me dy asistime.
