Ndonëse prej minutës së 23-të luajti me një futbollist më pak në fushë, Atletico Madridi e mposhti në shtëpi Bayer Leverkusenin.
Ndeshja e xhiros së shtatë të Championsit përfundoi 2:1 për madrilenët.
Pablo Barrios i Atleticos u përjashtua direkt me të kuq në minutën e 23-të.
Kampioni gjerman kaloi në epërsi 1:0 në minutën e parë shtesë të pjesës së parë, kur realizoi Piero Hincapie.
Atletico Madridi barazoi në minutën e 52-të. Realizator ishte Julian Alvarez.
Numri i lojtarëve në fushë u barazua në minutën e 76-të, kur Hincapie u përjashtua pas kartonit të dytë të verdhë.
Alvarez shënoi edhe golin e fitores për skuadrën e Diego Simeones. Ai shënoi golin vendimtar në minutën e 90-të.
Granit Xhaka e kompletoi ndeshjen në mesfushë te Leverkuseni, që mbetet me 13 pikë dhe bie në vendin e gjashtë. Atletico doli në vendin e tretë me 15 pikë.
