Pas tri ndeshjeve rresht pa humbje në të gjitha garat, Manchester Unitedi, të dielën pasdite është befasuar në ndeshjen e xhiros së 22-të të Premier Leagues.
Unitedi në shtëpi u mposht nga Brightoni me rezultatin 3:1.
Yankuba Minteh në minutën e pestë i kaloi në epërsi mysafirët.
Bruno Fernandes në minutën e 23-të i barazoi shifrat. Ai ishte i saktë nga pika e bardhë.
Në minutën e 60-të, Kaoru Mitoma shënoi për 2:1 kurse për 3:1 realizoi Georginio Rutter në minutën e 76-të.
Për Unitedin kjo ishte disfata e dhjetë këtë edicion.
Ka 26 pikë dhe është në vendin e 13-të.
Brightoni ka 34 pikë në vendin e nëntë.
