Edon Zhegrova është në dyshim për të luajtur edhe ndaj Nicet në elitën e futbollit francez.
Skuadra e Zhegrovës, Lille, të premten nga ora 21:05, luan ndaj Nicet në ndeshjen e xhiros së 18-të të kampionatit francez.
Por, sulmuesi i Kosovës, bashkë me Gabriel Gudmundssonin, për shkak të lëndimeve, pritet të mungojnë edhe të premten mbrëma.
Për këtë ka folur trajneri Bruno Genesio në konferencën për shtyp të enjten, i cili ka thënë se për dyshen e skuadrës do të merret vendimi para fillimit të ndeshjes.
25-vjeçari Zhegrova i ka munguar Lillet në katër ndeshjet e fundit.
Në 21 ndeshjet e edicionit aktual në të gjitha garat, Zhegrova ka realizuar tetë gola, ndërsa ka kontribuuar me dy asistime.
