Gazetari i njohur italian, Nicolo Schira, ka raportuar se Galatasaray është në negociata për të siguruar shërbimet e mbrojtësit shqiptar Ardian Ismajli.
Sipas burimeve të gazetarit Schira, Ismajli po konsiderohet si një zëvendësues i mundshëm për Victor Nelssonin, mbrojtësin danez që ka lënë klubin turk për t’u bashkuar me Romën.
Nelsson, i cili ka qenë një nga shtyllat e mbrojtjes së Galatasaray, ka lënë një vend bosh në skuadër, dhe klubi turk po kërkon të përforcojë vijën e tyre të prapme për të qëndruar konkurrues në garat vendase dhe evropiane.
Ardian Ismajli, me eksperiencën e tij të gjatë në Serie A dhe aftësitë defenzive, është shikuar si një zgjedhje e përshtatshme për të plotësuar këtë rol.
Ismajli, i cili aktualisht luan për Empoli në Serie A, është një reprezentues i Shqipërisë dhe ka një karrierë të pasur në futbollin italian. Me Empoli, Ismajli ka qenë një lojtar kyç në mbrojtje, duke kontribuar në stabilitetin e skuadrës në një nga ligat më konkurruese në botë.
Karriera e Ismajlit në Serie A dhe eksperienca e tij ndërkombëtare me kombëtaren shqiptare e bëjnë atë një objektiv tërheqës për Galatasaray.
Kampioni në fuqi i Evropës tanimë është në bisedime me Empolin dhe Ismajlin dhe po tenton të mbyllë marrëveshjen në orët e ardhshme.
28-vjeçari këtë edicion ka shfaqur formë të jashtëzakonshme ku në 23 ndeshje të zhvilluara në Serie A është një nga mbrojtësit më të vlerësuar në kampionatin italian.
