Juventusi dhe Interi janë gati për një ndeshje spektakolare në “Allianz Stadium” këtë mbrëmje, një takim që gjithmonë ndez rivalitetin dhe emocionet në Serie A.
Dy skuadrat u ndanë me barazim 4-4 në ndeshjen e tyre të fundit në nëntor, dhe tani përsëri gjenden ballë për ballë në një duel që premton tension dhe garanci.
Interi mund të konsiderohet favorit i lehtë për këtë ndeshje, duke pasur parasysh formën e fortë të fundit dhe faktin që një fitore do t’i dërgonte ata në krye të tabelës.
Ekspertët e futbollit i japin shanse të mëdha Nerazzurrëve për të fituar titullin e Serie A këtë sezon, veçanërisht pas transferimit të Khvicha Kvaratskhelia nga Napoli në PSG, duke e lënë liderin pa lojtarin kryesor.
Nën drejtimin e Simone Inzaghi, Interi ka qenë i qëndrueshëm, me lojtarë si Lautaro Martínez dhe Marcus Thuram që kanë luajtur rol kyç në sulm.
Megjithatë, Thuram nuk është gati për këtë ndeshje pasi nuk ka stërvitur me skuadrën këtë javë.
“Ne jemi të përqendruar dhe të motivuar për këtë ndeshje. E dimë rëndësinë e saj dhe do të japim gjithçka për të marrë tre pikë”, kishte deklaruar Inzaghi në para ndeshjes.
Nga ana tjetër, Juventusi po kalon një periudhë me ngitje dhe zbritje nën trajnerin e ri Thiago Motta.
Nënshkrimet e verës, si Teun Koopmeiners dhe Nico Gonzalez, ende po përpiqen të gjejnë konsistencë, veçanërisht në ndeshjet e mëdha, ku të dy sot janë në formacion.
Megjithatë, Juventusi nuk duhet të nënvlerësohet kurrë, pasi përvoja e tyre në ndeshjet e mëdha mund të bëjë ndryshimin.
“Gjëja më e rëndësishme është ndeshja e radhës. Kjo është një ndeshje shumë e rëndësishme ku të gjithë do të ndjejmë presionin. Duhet të fokusohemi 200 për qind”, deklaroi Motta në konferencën e tij për shtyp.
Interi ka pasur rezultatet me të mirë në takimet e fundit ndaj Juventusit, dhe thellësia e skuadrës së tyre i jep atyre një avantazh shtesë.
Sidoqoftë, në një stadium të mbushur Allianz, ku presioni dhe atmosfera janë maksimale, gjithçka mund të ndodhë dhe Interi nuk ka fituar që nga vitit 2022 në Torino.
Ndërsa Interi është i favorizuar, Juventusi ka të gjitha mundësitë për të bërë një surprizë në një ndeshje që mund të jetë vendimtare për të dyja skuadrat.
