Talenti 17-vjeçar i Hoffenheimit, Zidan Tairi, ka nënshkruar kontratë profeisonale me skuadrën e Bundesligës gjermane.
Tairi që është mesfushor me tipare sulmuese, e që përfaqëson të rinjtë e Zvicrës, do të jetë i lidhur me klubin e elitës gjermane deri në qershor të vitit 2028.
Nga vera e vitit të ardhshëm, ai do të jetë pjesë e ekipit profesionist të Hoffenheimit.
Tairi po ka suksese me të rinjtë e Hoffenheimit, dhe të enjten erdhi gëzimi i dytë për të.
Hoffenheimi U19 e siguroi avancimin në 1/8 e finales së “UEFA Youth League”, pas fitores 5:1 ndaj Shakhtar Donetskut. Tairi e shënoi golin e parë të asaj ndeshjeje.
Tairi te Hoffenheimi u transferua nga Zurichu para dy vjet e gjysmë.
Në nëntorin e vitit të kaluar, “Blicku” e renditi atë në mesin e pesë talenteve më të mëdha të Zvicrës.
