Sulmuesi i Kosovës, Fisnik Asllani, ka shënuar gol për ndeshjen e dytë rresht në Bundesliga 2, me skuadrën e Elversbergut.
Elversbergu falë kontributit të Asllanit dhe golit tjetër të realizuar nga Carlo Sickinger, fitoi 2:0 në shtëpi ndaj Greuther Furthit.
Ishte ndeshje e xhiros së 22-të e kategorisë së dytë të futbollit gjerman.
Asllani, që në xhiron e kaluar shënoi në fitoren ndaj Darmstadtit në udhëtim, realizoi në minutën e gjashtë për 1:0.
Ai tani ka 12 gola e pesë asistime. Në ndeshjen e fundit luajti deri në minutën e 87-të.
Elversbergu ka 35 pikë dhe është në kërkim të inkuadrimit në Bundesligë.
