Në përballjen e Serie A mes Atalantës dhe Torinos, mbrojtësi shqiptar Berat Djimsiti ishte protagonist duke shënuar golin e avantazhit për skuadrën e tij në minutën e 35′. Djimsiti shfrytëzoi një asistim të Raoul Bellanova dhe me një finalizim të saktë dërgoi topin në rrjetë, duke e çuar Atalantën në epërsi 1-0.
Megjithatë, Torino nuk vonoi shumë për të reaguar. Vetëm pesë minuta më vonë, në minutën e 40′, ishte Guillermo Maripán ai që shënoi golin e barazimit për miqtë, pas një asistimi nga Valentino Lazaro. Ky gol e riktheu ekuilibrin në ndeshje, duke bërë që skuadrat të shkojnë në pushim me rezultatin 1-1.
Ndeshja mbetet e hapur dhe emocionet janë të garantuara deri në minutën e fundit!
