Mesfushori i Kombëtares së Shqipërisë, Kristjan Asllani, ka shënuar sërish gol për skuadrën e Interit.
Asllani xhiron e kaluar me golin që e realizoi nga pika e bardhë ia siguroi fitoren Interit ndaj Veronas.
23-vjeçari Asllani edhe të dielën ka shënuar gol nga penalltia në fitoren 2:0 të Interit ndaj Torinos. Kjo ndeshje i takoi javës së 36-të të Serie A.
Me këtë fitore skuadra e Simone Inzaghit e vazhdon garën e ashpër për titull kampioni në Itali. Interi është në vendin e dytë me 77 pikë. Lider është Napoli.
Deri në fund të kampionatit kanë mbetur edhe dy xhiro.
Asllani në minutën e 50-të realizoi për 2:0. Ai e kompletoi ndeshjen dhe ishte prej më të mirëve në fushë.
Për ish-futbollistin e Empolit ky ishte goli i tretë këtë edicion. Ka kontribuar edhe me dy asistime.
