Galatasaray e ka fituar Kupën e Turqisë të mërkurën mbrëma për herën e 19-të në histori të klubit.
Skuadra e madhe turke në finale e mposhti Trabzonsporin me rezultatin 3:0.
Finalja u zhvillua në stadiumin e Gaziantepit.
Baris Alper Yilmaz shënoi në minutën e pestë për 1:0, ndërsa dy golat e tjerë i shënoi sulmuesi nigerian, Victor Osimhen.
Osimhen shënoi me të filluar pjesa e dytë dhe në minutën e 63-të e vendosi rezultatin përfundimtar.
Osimheni e theu edhe rekordin me më së shumti gola prej futbollistëve të huaj që kanë veshur fanellën e Galatasarayt.
Në këtë edicion, Osimheni ka realizuar 35 gola në total.
Mario Jardeli kishte 34 gola në 43 ndeshje në edicionin 2000-01.
