Fisnik Asllani të dielën e ka realizuar golin e katërt këtë edicion në Bundesligë.
Asllani e shënoi një gol në barazimin 1:1 të Hoffenheimit ndaj Freiburgut.
Kjo ndeshje i takoi xhiros së pestë të kampionatit gjerman.
Freiburgu kaloi në epërsi në minutën e tretë me golin që e shënoi Lukas Kubler.
Dhjetë minuta më pas, sulmuesi i Kosovës, Asllani, i barazoi shifrat.
Ai u paraqit deri në minutën e 85-të kurse Leon Avdullahu luajti deri në minutën e 73-të.
Asllani krahas katër golave ka edhe një asistim në elitë. Ndërsa ka edhe një gol dhe një asistim në Kupën e Gjermanisë.
Hoffenheimi dhe Freiburgu kanë nga shtatë pikë dhe janë në mesin e tabelës.
