Dinamo Zagrebi ka siguruar një pikë në ndeshjen e xhiros së tretë të fazës së ligës në Ligën e Evropës, me gol të minutës së 96-të.
Cardoso Varela e shpëtoi skuadrën e madhe kroate nga humbja në ndeshjen në udhëtim te Malmo suedeze.
Ballafaqimi u mbyll 1:1.
Malmo ishte duke udhëhequr 1:0 prej minutës së parë shtesë të pjesës së parë, kur shënoi Oscar Lewicki.
Arbër Hoxha te Dinamo Zagrebi luajti deri në minutën e 85-të. Vendin e tij e zuri Varela, shënuesi i golit për 1:1.
Ndërkohë, futbollisti me prejardhje shqiptare i Malmos, Sead Hakshabanoviq, luajti deri në minutën e 69-të.
Dinamo Zagrebi ka shtatë pikë në vendin e katërt, kurse Malmo mbetet me një pikë.
