Skuadra e Interit ka shënuar fitore të thellë 4:1 të shtunën ndaj Cremoneses.
Ndeshja i takoi javës së gjashtë të Serie A.
“Nerazzurrët” shënuan dy gola në pjesën e parë kurse dy të tjerë në pjesën e dytë.
Lautaro Martinez e realizoi golin e parë në minutën e gjashtë.
Në minutën e 38-të për 2:0 shënoi Ange-Yoan Bonny.
Realizatori i golit të tretë ishte Federico Dimarco në minutën e 55-të.
Dy minuta më pas, mesfushori italian, Nicolo Barella, e shënoi golin e katërt.
Interit iu anulua edhe një gol i Manuel Akanjit në minutën e 12-të për shkak të pozitës jashtë loje.
Golin e vetëm për Cremonesen e realizoi Federico Bonazzoli në minutën e 87-të.
Për Interin ishte fitorja e pestë radhazi në të gjitha garat.
Interi ka 12 pikë në pjesën e epërme të tabelës. Cremonese renditet në mesin e tabelës me nëntë pikë.
