Sulmuesi i Kombëtares së Shqipërisë, Rey Manaj, ishte vendimtar të dielën në fitoren e skuadrës së Sivassporit.
Sivasspori e mposhti Seriksporin në udhëtim me rezultatin 1:0 në kuadër të xhiros së 28-të të kategorisë së dytë të futbollit turk.
Manaj ia siguroi fitoren Sivassit me golin që e shënoi në minutën e 48-të.
Sulmuesi i qendrës e kompletoi ndeshjen, kurse bashkëlojtari i tij, Valon Ethemi, luajti deri në minutën e 85-të.
Ndërsa te Serikspori, sulmuesi Jetmir Topalli, u paraqit deri në minutën e 75-të.
Për 29-vjeçarin Manajn ishte goli i katërt që prej kthimit te Sivasspori.
Manaj në fillim të muajit të kaluar e ndërpreu bashkëpunimin me klubin nga Emiratet e Bashkuara Arabe, Al-Sharjah, për t’iu bashkuar Sivassit si lojtar i lirë.
