Mesfushori spanjoll i Manchester City, Rodri, ka dhënë intervistën që mund të ndezë spekulimet e merkatos këtë verë. Në një bisedë për Onda Cero, ai foli hapur për mundësinë e një rikthimi në Spanjë, dhe madje për një transferim te rivalët e qytetit, Real Madridi.
“Fakti që kam luajtur për Atlético Madridin nuk më ndalon të luaj për Real Madridin”, tha mesfushori 27-vjeçar, duke hedhur poshtë idenë se historia e tij te rivali do të ishte pengesë.
Kur u pyet për një rikthim në La Liga, Rodri u shpreh:
“Unë do të doja të kthehesha, po, natyrisht…”
Ai shtoi gjithashtu:
“Real Madridi nuk është një derë e mbyllur për mua. Nuk e di nëse ata do të flisnin direkt me mua; gjithçka do të bëhej përmes agjentit tim”.
Rodri ka edhe një vit kontratë me Manchester Cityn, dhe konfirmoi se në një moment do të duhet të ulen për të diskutuar të ardhmen e tij:
“Kam një vit të mbetur në kontratë. Në një moment do të duhet të ulem dhe të flas me klubin.”
Ai përfundoi me një deklaratë që flet për ambicien e tij:
“Nuk mund të refuzosh klubet më të mira në botë.”
