Mesfushori i Kosovës, Herolind Shala ka shënuar një gol të bukur për Valerengan në kuadër të javës së 24-të në Superligën e Norvegjisë.
Shala me shokët e tij kanë fituar 2-0 përballë rivalit të ligës, Odd.
Kosovari shënoi gol në minutën e 39-të e takimit. Për Shalën asistoi Kjartansson dhe mesfushori i Kosovës shënoi një gol shumë të bukur.
Golin e dytë për Valerengan e realizoi Matthias Vilhjalmsson (86′), për t’i siguruar kështu tri pikë të reja.
Ky ishte goli i dytë në këtë edicion Herolind Shalën dhe deri tash ka dhuruar edhe dy asistime.
