Tifozët e futbollit janë duke ëndërruar të shohin derbin e Manchesterit, me Cristiano Ronaldon te United dhe Lionel Messin te Manchester City.
Të dy, Messi dhe Ronaldo, në fund të sezonit mund të largohen nga klubet e tyre, Barcelona, respektivisht Juventusi.
Argjentinasi mund të largohet pas rishikimit të kontratës së tij, ndonëse dhe këtë verë paralajmëroi largimin nga Camp Nou.
Po ashtu edhe Ronaldo mund të largohet nga Torino, pasi Zonja e Vjetër dëshiron të bëj një bilanc financiar duke shitur portugezin.
Mediat në Angli raportojnë se fituesit e disa herë Topin të Artë, shumë lehtë mund të përfundojnë duke luajtur në Premier League, normalisht kundër njëri-tjetrit.
United nuk e ka fshehur dëshirën që ta rikthejë në skuadër ish-yllin Cristiano Ronaldo.
Derisa edhe skuadra tjetër nga i njëjti qytet, Manchester City, ka dëshirë ta transferojë Lionel Messin, duke pasur parasysh dëshirën e madhe të Pep Guardiolas, që të stërvit edhe njëherë Messin./VAR Kosova/
