Janë mbyllur tri ndeshjet e sotme në kuadër të Superligës së Kosovës.
Në kuadër të javës së 14-t, sot në mesditë u zhvilluan tri ndeshje.
Drita fitoi në shtëpi 1:0 ndaj Drenicës me golin e Simonovskit (’89), kurse Feronikeli u mund 0:1 nga Malisheva me golin e shënuar nga Subowale (’90).
Ndërkaq, ndeshja mes Ulpianës dhe Gjilanit u mbyll me fitoren e mysafirëve 1:2.
Egzon Qerimi kaloi fillimisht vendasit në epërsi në minutën e 23-të.
Kurse, Gjilani e riktheu rezultatin me golat e Albert Dabiqajt (’65) dhe Prognit (’84).
