Më 8 maj të vitit 2013, trajneri legjendar i Manchester United, Sir Alex Ferguson, njoftoi se sezoni 2012/13 do të ishte i fundit për të si trajner.
Ai konsiderohet si njëri ndër trajnerët më të mirë të të gjitha kohëve.
Skocezi njihet për sukseset e tij në “Old Trafford”, ku ai i fitoi 22 tituj vendorë, dy tituj të Ligës së Kampionëve dhe një titull të Cup Winners Cup në vitin 1991.
Ferguson u emërua në pozitën e trajnerit të “Djajve të kuq” më 6 nëntor të vitit 1986, kur klubi ishte në një krizë.
Ata ishin në pozitën e parafundit në tabelën e First Division, atëherë niveli i parë i futbollit në Angli.
Por edhe pas pensionimit, Alex vazhdimisht shihet në stadium me bashkëshorten e tij, Cathyn, duke i përcjellë nga afër ndeshjet e Manchester Unitedit.
