Pas rikthimit të Bundesligës, Bayern Munich u kthye me fitore kundër skuadrës Union Berlin.
Nuk mund të mungonte goli nga Robert Lewandowski. Ai shënoi nga pika e bardhë në minutën e40-të, golin e 40-të këtë sezon.
Ky gol ishte i 26-të për polakun këtë sezon në Bundesligë.
Pikërisht për këtë ka folur edhe trajneri, Hansi Flick, duke shtuar se numrit 9 më të mirë në botë momentalisht, i duhen edhe pak ndeshje për të thyer rekordin e Gerd Muller.
“Ai shënoi përsëri, tash ka 26 gola dhe kanë mbetur edhe tetë ndeshje për të thyer rekordin e Gerd Muller, 40 gola. Kjo nuk është e lehtë, por ai ka cilësi. Nëse dikush mund ta bëjë këtë, është ai”, ka thënë Flick.
Legjenda Gerd Muller kishte shënuar 40 gola në Bundesligë, në sezonin e vitit 1972.
