Trajneri i Izrealit, Alon Hazan, ka folur në prag të ndeshjes kundër Kosovës, e cila do të luhet këtë të dielë në stadiumin “Fadil Vokrri” në Prishtinë, transmeton VAR Kosova.
Kjo ndeshje u shtye muajin e kaluar për shkak të fillimit të luftës në Izreal. Kosova luan takimin pa gjasa reale për kualifikim ndërkohë Izreali është në garë pasi gjendet në pozitën e tretë me 11 pikë të grumbulluara.
“E kam thënë që në fillim se Kosova është një ekip vendas konkurrues. Jemi një ekip i mirë që kemi përjetuar vështirësi që në fillim, por ajo që është e veçantë, për ne është se ne nuk u dorëzuam. Lojtarët ishin të gatshëm të dorëzoheshin kontratat e tyre personale për të arritur këtu. Ana pozitive sot është se ka njerëz që bëjnë gjithçka për hir të vendit edhe nëse nuk janë hebrenj”.
“Përsa i përket përgatitjes, një nga gjëja më e rëndësishme është që ne duhet të kuptojmë se vetëm motivimi nuk do të mjaftojë. Ne të gjithë vijmë me forca të jashtëzakonshme sepse kuptojmë 100 herë më shumë se çdo herë tjetër se çfarë do të thotë të jesh ambasador i vendit. Jam i kënaqur me motivimin, por vetëm kjo nuk do të mjaftojë, do të duhet të përmirësojmë gjërat që ishin më pak të mira, do të duhet të shkojmë në Kosovë dhe të kujtojmë se ne besojmë në veten tonë, se jemi të mirë dhe do të duhet të bëjmë hapin e parë kundër Kosovës. Çdo vështirësi e deritanishme na ka forcuar dhe ne do të dëshironim të kemi sukses në këtë sfidë si ne” – deklaroi Hazan.
Në ndeshjen e parë, Kosova kishte barazuar me Izrealin me rezultatin 1-1.
