Lionel Messi me shokë ka fituar në ndeshjen e parë në Camp Nou pas pauzës se detyrueshme nga pandemia Covid-19.
Ka mjaftuar nga një gol në secilën pjesë që Barcelona të fitojë.
Ishte i riu Ansu Fati, i cili shënoi pak minuta para fundit të pjesës së parë.
17-vjeçari shënoi një gol mjaftë të bukur, për ta dërguar skuadrën në pushim me një gol epërsi.
Nuk kishte si të mungonte goli nga kapiteni Lionel Messi, i cili dribloi tre lojtarë kundërshtarë pasi të faulohej.
Golin e 21-të këtë sezon në La Liga, Messi e shënoi nga pika e bardhë në minutën e 70-të.
Ky ishte edhe goli i tij i 699 në karrierë.
