Ylli i Denver Nuggets në NBA, Nikola Jokiç, ka rezultuar pozitiv në testin për virusin Covid-19.
Siç raporton Associated Press, Jokic tash është në vetë-izolim në vendlindjen e tij, në Serbi.
“Nikola Jokic supozohej të kthehet në Denver së shpejti, para se skuadra e tij të niset për në kompleksin e Dinseyt për rinisjen e sezonit të NBA muajin e ardhshëm”, ka thënë për AP një i afërm i basketbollistit në kushte anonimiteti.
Derisa basketbollisti, por as klubi i tij, nuk e kanë thënë asnjë fjalë të vetme.
ESPN dhe The Denver Post, raportuan se Jokiç ka rezultuar pozitiv, pikërisht ditën kur edhe Novak Gjokoviç kishte rezultuar pozitiv.
Gjokoviç dhe Jokiç ishin bashkë në një ngjarje në fillim të këtij muaji, megjithëse nuk mund të konkludohet nëse ky takim kishte ndikim në testin pozitiv të të dy sportistëve.
