Trajneri italian Carlo Ancelotti, ka folur për raportimet që James Rodriguez, mund t’i bashkohet atij te Evertoni.
Kolumbiani ka qenë nën urdhrat e Ancelottit te Real Madridi, por pastaj edhe te Bayern Munich.
Mirëpo një ribashkim i tyre me shumë gjasë nuk do të ndodh.
Kështu të paktën pretendon trajneri Italian, i cili aktualisht është duke drejtuar Evertonin.
“James Rodriguez? Më pëlqen shumë si lojtar. Kur u largova nga Madridi, James Rodriguez më ndoqi në Mynih”, tha Ancelotti për The Guardian.
“Pati thashetheme se ai do të vinte dhe te Napoli dhe tani po flitet se do të vijë në Everton. Dua të jem i sinqertë, më pëlqen shumë, por ai është një lojtar i Real Madridit dhe mendoj se ai do të jetë akoma një lojtar i Realit”, tha Ancelotti./VAR Kosova/
