Ndeshja e parë e sezonit të ri të kategorisë së dytë të futbollit anglez, ka mbetur në hije pas përleshjes që kanë pasur lojtarët me tifozët.
Pasi është kthyer në “Championship”, Birminghami ishte nikoqir i skuadrës së Ipswich Townit, që ra nga Premier League. Lojtar i Ipswichit aktualisht është portieri i Kosovës, Arijanet Muriq. Por Muriq, i cili pritet të largohet nga skuadra në këtë verë, nuk ishte fare në formacion.
Ndeshja u mbyll me rezultati 1:1.
Mysafirët fituan një pikë nga një penallti e minutës së pestë të kohës shtesë, dhe ai festoi duke i provokuar tifozët e Birminghamit. Ai shkoi afër tribunës ku ata ishin të vendosur, e vendosi dorën te veshi dhe u tha “këtë e bëj unë”.
Pas kësaj situate, Christoph Klarer i Birminghamit vrapoi tek ai dhe e kapi i inatosur. Më pas janë përfshirë lojtarët e të dyja ekipeve duke krijuar tollovi. Nga tribuna kanë zbritur edhe tifozë duke goditur Jack Taylorin, lojtarin e mysafirëve.
Ka raportime të mediumeve angleze se tifozët e përfshirë në këtë përleshje rrezikojnë përjashtimin përjetë nga stadiumi.
