Mbrojtësi i Real Madridit, Dean Huijsen, është larguar nga grumbullimi i Spanjës për ndeshjet kualifikuese të Botërorit, për shkak të lëndimit muskulor.
Ai do të zëvendësohet nga Aymeric Laporte i Athletic Bilbaos, ka njoftuar Federata e Futbollit e Spanjës të mërkurën.
Huijsen, sipas Federatës spanjolle, ka telashe muskulore në këmbën e majtë.
Ai luajti në tërë ndeshjen për Real Madridin në fitoren ndaj Villarrealit 3:1 të shtunën.
Përzgjedhësi Luis de la Fuente, do të jetë në mungesë të disa lojtarëve shkaku i lëndimit, përfshirë edhe mesfushorin Rodri dhe sulmuesin Lamine Yamal.
Spanja luan ndaj Gjeorgjisë të shtunën dhe ndaj Bullgarisë tri ditë më vonë.
