Nina Fraooqi, 37 vjeçe, në mënyrë që të shkonte në Wembly për ta shikuar ndeshjen e gjysëfinales, tha se ishte e sëmurë dhe nuk shkoi në punë.
Ajo kishte menduar se nuk do të mund të merrte ditë të lirë në punë meqenëse shoqja e saj kishte fituar biletat për lojën historike në moment të fundit.
Për fatin e saj të keq, kur Anglia po festonte golin e saj të parë, kameran e kishin kapur pikërisht atë në mesin e 60 mijë shikuesve.
E mëngjesin e nesëm, shefat i kishin thënë të mos lodhej të shkonte më në punë fare. Shefi i saj, Charles Taylor tha që e kuptonte se loja ishte historike për Anglinë, dhe që kompania do ta inkurajonte shkuarjen e stafit për të parë lojën, mirëpo, në rastin e Ninës, ajo kishte gënjyer dhe kishte shfrytëzuar ditët e parapara për raste të sëmundjes për të shkuar në Wembley.
Kjo për shkak se kompania e vlerëson sinqeritetin dhe integritetin e punonjësve dhe nuk toleron keqpërdorimin e politikave të saj.
Megjithatë, kompania ka marrë vendim që e hëna pas ndeshjes finale ku do të luajë Anglia, stafit do ti jepet pushim për të festuar fitoren e Anglisë.