Ballkani ka vendosur që sërish të bëjë ndryshime në shtabin teknik.
Klubi nga Suhareka e ka larguar trajnerin Bekim Isufi.
Lajmi është konfirmuar përmes faqes zyrtare në rrjetin social “Facebook”.
“Ju njoftojmë që klubi ka vendosur të ndërprej bashkëpunimin me Trajnerin Bekim Isufi.
Trajnerin e falenderojmë përzemërsisht për punën profesionale dhe kontributin e dhënë në klubin tonë dhe i dëshirojmë shumë suksese në vazhdim.
Gjat ditëve në vazhdim opinioni do të njoftohet me shefin e ri të shtabit teknik.
Na priftë e mbara Suharekë”, shkruhet në njoftimin e klubit.
Isufi iu bashkua Ballkanit në fillim të këtij edicioni.
Kjo skuadër momentalisht ndodhet në pozitën e tretë me 33 pikë të tubuara, dy më pak se lideri SC Gjilani.
