Granit Xhaka është shpallur lojtari më i mirë i vitit te Sunderlandi. Çmimin e më të mirit të vitit, përkatësisht të edicionit 2025/2026, Xhakës ia ndanë tifozët e klubit.
Mesfushori iu bashkua Sunderlandit verën e kaluar dhe e udhëhoqi drejt kampanjës shumë pozitive në Premier League.
Çmimet e asociacionit të tifozëve të Sunderlandit vlerësohen shumë të rëndësishme për anëtarët e kësaj skuadre tradicionale angleze.
Ish-sulmuesi i Sunderlandit, Marco Gabbiadini ka theksuar se Xhaka ishte brilant. Ai shpreson se kapiteni i Zvicrës do të jetë edhe disa vjet te Sunderlandi.
Vetë Xhaka ka shkruar se kishte të tillë që dyshuan në lëvizjen në drejtim të Sunderlandit.
“Unë i besova vizionit. Dhe duke qëndruar këtu si Lojtar i Vitit ndiej krenari, mirënjohje dhe uri për më shumë”, ka shkruar Xhaka që ka falënderuar tifozët për përkrahjen e madhe nga dita e parë.
