Prishtina ka ndarë rrugët me futbollistin e mirënjohur, Leotrim Bekteshi.
Bekteshi ka vendosur që ta vazhdojë jetën së bashku me familjen e ngushtë në Norvegji.
Lajmi është konfirmuar sot nga vet faqja zyrtare e FC Prishtinës e cila e ka falënderuar Bekteshin për kontributin e dhënë në fanellën bardhekaltër.
Njoftimi i plotë nga FC Prishtina:
Faleminderit Leo!
Leotrim Bekteshi nuk është më pjesë e Prishtinës.
Bekteshi është një ndër futbollistët që ka dhënë kontribut të jashtëzakonshëm në skuadrën më të madhe në vitet e fundit.
Ai me Prishtinën në tri vite e gjysmë sa ishte pjesë i ka regjistruar 150 paraqitje derisa e ka fituar titullin kampion, Kupën e Kosovës si dhe Superkupën.
Bekteshi, i cili në shumë ndeshje e ka bartuar edhe shiritin e kapitenit, ka edhe trofe individuale si futbollist i Prishtinës derisa është përfshirë edhe në formacionin e vitit nga Federata e Futbollit e Kosovës për edicionin e fundit.
Bekteshi ka vendosur që ta vazhdojë jetën së bashku me familjen e ngushtë në Norvegji.
Stafi i FC Prishtina e falenderon nga zemra Leon për mundin dhe djersën e derdhur për fanellën kryeqytetase.
#forcaPrishtina
#krejtpërprishtinën.
