Presidenti i FFK-së, Agim Ademi, gjatë qëndrimit në Vjenë është takuar edhe me dy prej ish-futbollistëve më të famshëm nga Ballkani, kroatin Davor Shuker dhe malazezin, Dejan Saviçeviq.
Në një postim në profilin e tij në Facebook, kreu i futbollit kosovar ka bërë të ditur se me Shuker e Saviçeviq ka disktuar rreth mundësive për bashkëpunim rajonal në futboll.
Postimi i plotë i Ademit:
Me dy legjendat e futbollit të Ballkanit, Davor Shuker, anëtar i KE të UEFA-s, dhe Dejan Saviçeviq, anëtar i Këshillit të FIFA-s, gjatë Kongresit të 46-të të UEFA-s në Vjenë. Diskutuam mundësitë e bashkëpunimit rajonal dhe rritjen e mëtejshme të futbollit në vendet tona.
