Barcelona është duke shkuar në rrugë të duhur, ani pse pati turbulenca të mëdha brenda skuadrës në verë.
Që nga ardhja e Joan Laportas si president i klubit, Barcelona është kthyer në rrugë të mbarë dhe po korrë suksese në La Liga e në Ligën e Kampionëve. Por, edhe sa i takon mbështetjes.
Sipas mediumit spanjoll “Sport”, Barcelona ka pasur mesatare prej 83,348 tifozëve të pranishëm për ndeshje.
Është shikueshmëria më e madhe në Evropë këtë sezon.
Dortmundi është në vendin e dytë me 80 mijë ndjekës në “Signal Iduna Park”.
Skuadrat tjera që e kanë kaluar shifrën e 70 mijë shikuesve të pranishëm në stadium janë Bayern Munichu, Manchester Unitedi, Milani e Interi.
