Kastriot Imeri e ka shënuar golin e parë në Ligën e Kampionëve.

Por goli i Imerit nuk i ka mjaftuar Young Boysit që të mërkurën mbrëma u mposht në udhëtim te Shakhtar Donetsku, 2:1.

Ndeshja u zhvillua në stadiumin e Schalkes në Gjermani.

Imeri në minutën e 27-të realizoi gol të bukur për 1:0. Por më pas ekipi i tij pranoi dy gola dhe e humbi ndeshjen e xhiros së katërt.

Imeri luajti vetëm në pjesën e parë. Mesfushori Jashar Dema ishte në bankën rezervë.

Për Young Boysin ishte disfata e katërt dhe mbetet pa pikë.

Shakhtari ka katër pikë.

ARTIKUJ TË NGJASHËMMË SHUMË NGA AUTORI