Rangers kanë siguruar një vend në finalen e Premier Sports Cup pas një përmbysjeje dramatike ndaj Motherwell, ku Nedim Bajrami luajti një rol vendimtar me golin e tij të rëndësishëm. Pas një pjese të parë të vështirë, ku Motherwell kryesoi me golin e Andy Halliday, Rangers iu kthyen fuqishëm sfidës në pjesën e dytë, duke përmbysur rezultatin falë golave të Bajramit dhe Cyriel Dessers.
Bajrami, shqiptari që luan për Rangers, ishte i entuziazmuar për fitoren dhe për mundësinë që i ofrohet për të fituar trofeun e parë me klubin. Duke folur për RangersTV pas ndeshjes, ai theksoi rëndësinë e besimit dhe durimit gjatë 90 minutave të lojës: “Ne treguam cilësinë tonë sot dhe për 90 minuta besuam,” tha ai. “Shënuam dy gola të bukur në fund dhe jemi në finale.”
Ai gjithashtu përmendi se përballja nuk ishte e lehtë, duke theksuar vështirësinë e lojës kundër një ekipi të fortë si Motherwell. “Gjithmonë është e vështirë kur merr gola kundër këtyre ekipeve, por treguam durim në pjesën e dytë,” komentoi Bajrami, duke shpjeguar se ekipi kishte shansin të shënonte edhe më shumë gola.
Finalja, e cila do të zhvillohet muajin e ardhshëm kundër rivalëve të përhershëm, Celtic, pritet të jetë një përballje e ashpër. “Ende kemi kohë deri në finalen kundër Celtic, por mendoj se do të jetë një ndeshje e madhe dhe jam i emocionuar,” tha Bajrami, duke shfaqur besim për ndeshjen e ardhshme.
Me këtë fitore, Rangers synojnë të ruajnë kontrollin mbi Kupën e Ligës dhe të vazhdojnë suksesin në arenën kombëtare.
Nedim Bajrami është rikthyer në formën me të cilën jemi mësuar ta shohim. Mesfushori i kombëtares shqiptare ka shënuar dy gola në dy ndeshjet e fundit!
Ky është lajm fantastik sidomos tani që është muaji i ndeshjeve të radhës për kuqezinjtë. Na duhet që legjionarët tanë të jenë në formën e duhur.
Bajrami shënoi sot në gjysmëfinalen e Kupës së Skocisë që Rangers luajti me Motherwell. Skuadra e tij fitoi me përmbysje 2-1.
Vendasit kaluan të parët në avantazh, por pjesa e dytë foli për ekipin e Bajramit. Ai shënoi në minutën e 81-të dhe, sigurisht, festoi me shqiponjë kalimin në finalen e Kupës.
