Jimmy Butler është kthyer nga suspendimi prej shtatë ndeshjeve, por skuadra e tij, Miami Heat, është mposhtur 133:113 nga Denver Nuggets.
35-vjeçari ishte suspenduar më herët gjatë këtij muaji për “sjellje jo të mirë në skuadër” dhe ka kërkuar largimin.
Pavarësisht ofertave, Butler mbeti në skuadër.
Ai i realizoi 18 pikë dhe luajti për 33 minuta të premten pas mesnate në disfatën në Florida.
Los Angeles Lakersi ndërkohë arriti fitore me shumë mund në mungesë të Anthony Davisit. Fitoi 102:101 ndaj Brooklyn Netsit.
Davisi e humbi ndeshjen e dytë rresht për shkak të një problemi në këmbë.
Austin Reaves i realizoi 38 pikë në fitore, ndërsa kontribut dha edhe LeBron James që shënoi 29 pikë e tetë asistime.
