Bruno Fernandes ka zbuluar se Manchester United ishte i hapur ta linte të largohej, por mesfushori portugez zgjodhi të qëndrojë nga besnikëria dhe dashuria për klubin, pavarësisht ofertave të majme nga Arabia Saudite.
Duke folur për Soltinhos Pelo Mundo të Canal 11, Fernandes pranoi se në moshën 31-vjeçare ai ndihej “në terren të pasigurt” mes politikës së Premier League për rinovimin e kontratave për lojtarët mbi 30 vjeç.
Ai kujtoi t’i ishte thënë nga drejtuesit e klubit se largimi i tij “nuk do të ishte edhe aq i keq”. Megjithatë, Fernandes refuzoi ofertat nga Lindja e Mesme — edhe pse Cristiano Ronaldo e këshilloi për këtë hap — duke i dhënë përparësi familjes dhe pasionit të tij për Old Trafford ndaj përfitimit financiar.
Intervista hedh dritë mbi tensionet e brendshme te United. Fantazisti e sheh veten si një lojtar të përkushtuar, që gjithmonë jep gjithçka, megjithatë ndihet i nënvlerësuar: “Unë vlerësohesha, por klubi mendonte se nëse largohesha, nuk do të ishte problem”, tha ai.
I lënduar nga mungesa e reciprocitetit, ai theksoi besnikërinë si një parim në një epokë ku rindërtimet e skuadrave shpesh marrin përparësi ndaj angazhimeve afatgjata.
Për stilin e tij konfrontues në fushë, Fernandes bëri shaka për reputacionin e tij, duke thënë se Bernardo Silva është “shumë më i bezdisshëm” për kombëtaren portugeze, ndërsa mbetet “politikisht korrekt” përballë gjyqtarëve.
“Problemi im është që flas me duar,” tha ai me humor, duke theksuar kontrastin mes perceptimit dhe realitetit.
Fernandes gjithashtu vlerësoi trajnerin e tij aktual, Ruben Amorim, duke përmendur një marrëdhënie profesionale të karakterizuar nga respekti i ndërsjellë dhe humori. “Ashtu si JJ,” tha ai, duke iu referuar Jorge Jesus, “diçka që Amorim e urren”.
Ai admiron qasjen serioze të Amorim dhe përpjekjet e tij për të ndërtuar marrëdhënie personale me lojtarët, të ngjashme me kohën e tij te Sporting.
Kapiteni i United e përmbylli duke rikonfirmuar angazhimin e tij ndaj klubit, duke theksuar se njohja dhe respekti i ndërsjellë mbeten qendrore për vazhdimësinë e tij në Old Trafford gjatë një periudhe rindërtimi.
