Janë mbyllur dy ndeshjet e sotme të Superligës së Kosovës në futboll.
Në kuadër të javës së 23-të, Dukagjini ishte nikoqir i Prishtinës, kurse Malisheva luajti në shtëpi ndaj Feronikelit.
Në Klinë, Dukagjini ia thelloi krizën Prishtinës duke e mposhtur me rezultat 2:1.
Mentor Zhdrella (‘9) dhe Altin Merlaku (’44) i realizuan golat e fitores për klinasit, kurse për Prishtinën shënoi Mendurim Hoti në minutën e 17-të.
Nga ana tjetër, Malisheva u tregua e “pamëshirshme” ndaj Feronikelit.
Në shtëpi, skuadra e Arsim Thaqit arriti të fitojë me rezultat, 6:1.
Mustafa, Sabowale (2), Xhaka, Olivier dhe Pefqeli realizuan për Malishevën, kurse Xhylani shënoi për mysafirët.
