Ballkani ka shënuar fitore bindëse 3:0 ndaj Prishtinës së Re në ndeshjen që u zhvillua në stadiumin “Sami Kelmendi” në Lipjan.
Ndeshja i takoi javës së shtatë të Superligës së Kosovës.
Për skuadrën nga Suhareka ishte fitorja e katërt këtë edicion kurse ka edhe tri barazime.
Prishtina e Re është në krizë të rezultateve. Për ekipin që u promovua këtë edicion në Superligë ishte disfata e pestë. Ka edhe dy fitore.
Arbër Potoku e shënoi golin e parë në minutën e 34-t. Almir Kryeziu i realizoi dy golat e fundit në minutën e 54-t dhe 65-të.
Ballkani ka 15 pikë dhe është ngritur në pozitën e dytë. Prishtina e Re zë vendin e nëntë me gjashtë pikë.
