Dart humbi me rezultat 6-0, 6-3 ndaj tenistes franceze Lois Boisson në raundin e parë të turneut në fushë me dhe “Rouen Open” të martën. Gjatë një ndërrimi loje, mikrofoni e kapi duke i thënë gjyqtarit: “Mund t’i thuash asaj (Boisson) të përdorë deodorant? … Sepse vjen shumë erë e keqe.”
Pasi pamjet u shpërndanë në rrjetet sociale, Dart postoi një ndjesë në Instagram, duke thënë se “ishte një koment i bërë në nxehtësinë e momentit, të cilin vërtet e pendoj.”
“Kjo nuk është mënyra se si dua të shfaqem dhe marr përgjegjësinë e plotë,” shkroi ajo. “Kam shumë respekt për Lois dhe mënyrën se si garoi sot. Do të mësoj nga kjo dhe do të ec përpara.”
Boisson, e cila po merrte pjesë për herë të parë këtë sezon në një turne të WTA dhe po rikthehet pas një rënieje në renditje (nga pozita e 303-të për shkak të lëndimeve), reagoi me humor. Ajo postoi një foto në Instagram duke luajtur në fushë, me një deodorant Dove të montuar sipër dorës së saj në foto, duke etiketuar kompaninë dhe shkruar: “duket se na duhet një bashkëpunim.”
